Kampioni i trefishtë olimpik i notit dhe rekorderi aktual botëror në 800 dhe 1.500 metra në stil të lirë, australiani Grant Hacket, ka njoftuar sot se i ka dhënë fund karrierës së tij.
Hacket, i cili konsiderohet njëri nga notuesit më të mirë të të gjitha kohërave, gjatë karrierës së tij ka fituar shtatë medalje olimpike dhe 18 medalje botërore, prej të cilave dhjetë të arta, gjashtë të argjendta dhe dy të bronzta.
Në 1.500 metra ka fituar në katër kampionate botërore me ndërprerje 1998, 2001, 2003 dhe 2005.
Hacket ka hyrë në historinë botërore të notit në Kampionatin Botëror në Montreal duke fituar në 400, 800 dhe 1.500 metra.
“Është një kohë e gjatë që merrem me notin. Është koha që ta ndërroj faqen”, ka thënë Hacket i cili në Lojërat e fundit Olimpike në Pekin fitoi medaljen e argjendtë në 1.500 metra.
Mon Oct 27, 2008 12:21 pm