I dërguari i OKB-së nuk mund të propozojë ndarjen e Kosovës

Zëdhënësi i UNMIK-ut, Aleksandër Ivanko, ka demantuar raportet e fundit të mediave në Prishtinë se i dërguari i OKB-së, Andrew Landley, ka hartuar një propozim për ndarjen administrative të Kosovës.

"I dërguari i OKB-së nuk propozon asgjë. Ai vetëm përcjellë dokumentin ndërsa varet nga Prishtina dhe Beogradi nëse do të pajtohen apo jo. Ne vetëm konsultohemi me ta, po përpiqemi të ndihmojmë në dialog, mirëpo nuk jemi pjesëmarrës të dialogut”, ka thënë Ivanko për mediat serbe.

Landley, që nga 15 tetori ndodhet në Kosovë me qëllim të ndërmjetësimit të “dialogut” Prishtinë-Beograd rreth konfigurimit të pranisë civile ndërkombëtare në Kosovë.

Mediat kanë raportuar se, Landley, në një takim që ka zhvilluar të premten me krerët e institucioneve kosovare, ka propozuar hiç më pas se “ndarjen administrative” të veriut nga pjesa tjetër e Kosovës.