Kryetari i Aleancës për Ardhmërinë e Kosovës, Ramush Haradinaj deklaroi sot se buxheti i vitit 2009 është në rrezik për shkak të shpenzimeve jo të mira të qeverisë.
"Kabineti tashmë ka nisur të shpenzojë nga fondi rezervë, ndërkohë që po planifikon edhe për shitjen e ndërmarrjeve publike", u shpreh Haradinaj.
Kreu i AAK-së u shpreh i kënaqur me qëndrimin e presidentit dhe të kryeministrit ndaj propozimit të OKB-së për shtrirjen e pushtetit në pjesën veriore. Haradinaj theksoi se të gjashtë pikat e propozuara, rrezikojnë sovranitetin e Kosovës.