Mitropoliti i Kishes Ortodokse Serbe ne Mal te Zi, Amfilohije Radoviç, pa shume zhurme ka vizituar dje disa fshatra te Shkodres, qe banohen nga minoritete serbe, ne kerkim te eshtrave te ushtareve serbe te rene ne kohen kur rajoni ka qene i pushtuar nga osmanet.
Ajo qe ra ne sy ne kete vizite te mitropolitit, ishte fakti se, per te pasqyruar kete aktivitet, ishin lajmeruar nje numer teper i kufizuar mediash, bazuar ne preferenca.
Mitropoliti serb njihet si kundershtari i madh i pavaresise se Kosoves dhe Malit te Zi, perkrahes i krimineleve te luftes, te cilet organizuan masakrat ne Kosove. Dje, ai shoqerohej nga pergjegjesi i kishes ortodokse te Shkodres, At Nikolla Petani.
"Ne jemi pelegrine dhe kemi ardhur te vizitojme vendet e shenjta qe datojne qe nga koherat e Apostujve te Krishtit. Kemi vizituar kishen ne Rrashkulle, e shekullit IX, themelet e se ciles i perkasin kristianizmit te hershem. Me pas kemi ardhur per te vizituar varrezat e ushtareve serbe te rene gjate luftes ballkanike, te cilet luftuan kunder pushtuesit osman. Keta ushtare, se bashku me te tjere, kane sakrifikuar veten per çlirimin e Shqiperise. Ketu ne Bardhaj, kane rene me shume se 10 mije ushtare serbe”, eshte shprehur Radovic.